Dagskrá og ritningarlestrar fyrir alþjóðlega bænaviku

Alþjóðleg, samkirkjuleg bænavika verður haldin dagana 16. - 22 janúar 2005. Bænavikan er haldin árlega um þetta leyti og er þá beðið fyrir einingu kristinna manna um heim allan. Dagskrá og biblíulestra bænavikunnar er að finna hér.

Það er Alkirkjuráðið (World Council of Churches) sem stendur að baki vikunnar um allan heim ásamt kaþólsku kirkjunni og bænarefni vikunnar kemur jafnan frá einhverjum aðildarkirkna. Að þessu sinni kemur það frá Slóvakíu og var samið af prestum frá rétttrúnaðarkirkju, lútherskri kirkju, baptistakirkju, meþódistakirkju, mótmælendakirkju, gamal-kaþólskum og kaþólsku kirkjunni.

Bænavikan hefur verið haldin árlega hér á landi frá árinu 1968. Undirbúningur bænavikunnar hérlendis er í höndum samstarfsnefndar kristinna trúfélaga. Aðild að nefndinni eiga: Aðventistar, Fríkirkjan Vegurinn, Hvítasunnukirkjan, Hjálpræðisherinn, Íslenska Kristkirkjan, Kaþólska kirkjan, Óháði söfnuðurinn og Þjóðkirkjan.

Bænavikan hefst með útvarpsguðsþjónustu frá Neskirkju þann 16. janúar. Þá viku verða haldnar bænastundir og samkomur víða á höfuðborgarsvæðinu, þar sem trúfélög sameinast um helgihald. Verður bæði um að ræða hádegisbænir og kvöldsamkomur.

Kristur er eini grundvöllur kirkjunnar

Þema bænavikunnar, lestrar og hugleiðingar koma frá kirkjum í Slóvakíu að þessu sinni. Þar eru kirkjur nú í vexti kirkna eftir fjögurra áratuga stöðnun og þrengingar á tímum kommúnisma.

Undirbúningshópurinn velti fyrir sér eftirfarandi spurningum:

1. Hver er grunnurinn sem hin nýja tilvist kirknanna byggir á
2. Er rými til að vaxa í einingu um leið og kirkjudeildirnar vaxa hver um sig.
3. Hvaða leiðir eru til að styrkja þjónustu kirkjunnar.

Í Nýja Testamentinu finnum við bréf sem skrifuð er kirkjum er bjuggu við andsnúið umhverfi. Bréfin hvetja til andlegs vaxtar. Eitt þessara bréf er fyrra Korintubréf og á þriðja kafla þess byggir undirbúningshópur bænavikunnar efni hennar.

Steinunn Arnþrúður Björnsdóttir