140. kirkjuráðsfundur 24. ágúst 2009

1. Fundarsetning, fundargerð síðasta fundar og staða verkefna

Efnt var til símafundar vegna brýnnar nauðsynjar hvað varðar málefni Hallgrímskirkju auk umræðu um hagræðingarkröfu ríkisins o.fl. Símafundurinn hófst kl. 11.
Auk Karls Sigurbjörnssonar, biskups Íslands, tóku þátt í fundinum kirkjuráðsmennirnir sr. Halldór Gunnarsson, Jóhann E. Björnsson, Sigríður M. Jóhannsdóttir og sr. Kristján Björnsson. Einnig tók þátt í fundinum sr. Jón Helgi Þórarinsson, varamaður, en hann hafði setið síðasta fund.

Einnig tóku þátt í fundinum Guðmundur Þór Guðmundsson, framkvæmdastjóri Kirkjuráðs, Ragnhildur Benediktsdóttir, skrifstofustjóri Biskupsstofu, Sigríður Dögg Geirsdóttir, fjármálastjóri Biskupsstofu sem ritaði fundargerð.  Einnig sat fundinn að hluta sr. Þorvaldur Karl Helgason, biskupsritari.
Fundargerð síðasta fundar var samþykkt með nokkrum breytingum.

2. Fjármál

a) Niðurskurður ríkisútgjalda til Þjóðkirkjunnar 2009 – 2010.
Á síðasta fundi Kirkjuráðs var samþykkt að óska eftir viðræðum við forsætis-, fjármála-, og dóms- og kirkjumálaráðherra um samning um tímabundnar breytingar á sóknargjöldum og hagræðingu hjá kirkjunni. Biskup upplýsti að hann hefði rætt við dóms- og kirkjumálaráðherra um þessa ósk Kirkjuráðs og mun ráðherra ræða við samráðherra sína. Biskup mun leggja fram tillögur um hverjir mæti á þann fund af hálfu Þjóðkirkjunnar. 

b) Hallgrímskirkja
Biskup hefur óskað eftir viðræðum við borgarstjóra til að kynna stöðu mála hvað varðar samstarf borgar, kirkju og ríkis um kostnaðarskiptingu vegna viðgerðar á turni Hallgrímskirkju.

Kirkjuráð samþykkti að greiða þegar út úr ábyrgðardeild Jöfnunarsjóðs sókna kr. 30 millj. til Hallgrímssóknar sem fyrirframgreiddan styrk vegna áranna 2013 – 2018 til viðgerðar á turni kirkjunnar. Jafnframt verði gengið í ábyrgð fyrir láni sóknarinnar hjá Nýja – Kaupþingi að fjárhæð 50 millj. kr.

3. Önnur mál 

Rætt var um undirbúning að umræðu á Kirkjuþingi 2009 um Hjálparstarf kirkjunnar. Málinu frestað til næsta fundar.