Kærleiksþjónustusvið

Verksvið

Að efla kærleiksþjónustu íslensku þjóðkirkjunnar innan safnaða og í sérþjónustu hennar. Stuðla að auknum tengslum milli þeirra sem sinna kærleiksþjónustu á ofangreindum sviðum og þess starfs sem er til stuðnings einstaklingum og hópum svo sem Hjálparstarfi kirkjunnar og Fjölskylduþjónustu kirkjunnar.

Kærleiksþjónusta er hlutverk kirkjunnar byggt á kærleika Krists. Hún er umhyggja fyrir náunganum í erfiðum aðstæðum lífsins. Þetta má einnig orða þannig að kærleiksþjónusta sé að sýna trú í verki. Kirkjan sinnir þessari þjónustu bæði utanlands og innan. Verkefnisstjóri hefur eftirfarandi starfssvið: Þjónustu við djákna, starfsþjálfun djáknanema, sérþjónustu, sálgæslu, hjálparstarf og kristniboð.

Starfsmenn

Ragnheiður Sverrisdóttir, ragnheidur@biskup.is, verkefnisstjóri (75% starf)

Helstu verkefni

Djáknar

Mikil fjölgun djákna hefur orðið í þjóðkirkjunni en þeir fyrstu sem voru útskrifaðir frá Guðfræðideild Háskóla Íslands komu til starfa 1995. Sjá nánar um djáknanám á www.hi.is. Djáknar starfa í söfnuðum, á stofnunum og hjá félagasamtökum. 1995 stofnuðu þeir Djáknafélag Íslands sem lesa má fréttir frá á www.kirkjan.is/di.

Kærleiksþjónustusvið styður djákna á ýmsan hátt t.d. með námskeiðahaldi, samtölum, kynningu á starfi djákna og með því að stuðla að fleiri nýjum djáknastöðum.

Starfsþjálfun djáknaefna

Starfsþjáflun djáknanefna fer fram undir stjórn kærleiksþjónustusviðs og í samstarfi við djáknanefnd. Eftir að stúdent hefur sótt um starfsþjálfun er hann kallaður til viðtals sem leiðir til ákvörðunar um hvort stúdenti fær að taka starfs þjálfunina.

Skilyrði er að hafa reynslu af kirkjulegu starfi auk hæfni í mannlegum samskiptum ofl. Stúdent þarf að sækja námskeið, kynningar, kyrrðardaga, fara í viðtöl og vera í þjálfun í söfnuði undir leiðsögn djákna. Biskup tekur viðtöl við stúdenta en hann er ábyrgur fyrir staðfestingu á hæfni djáknakanditats til starfa. Aðeins þau sem hafa tekið vígslu mega nota titilinn djákni.

Sérþjónustuprestar

Sérþjónustuprestar sinna ýmsum aðilum sem eiga undir högg að sækja eða búa við sérstakar aðstæður. Þannig sinna þeir sjúklingum, þroskaheftum, heyrnarlausum, vímuefnaneytendum, innflytjendum, unglingum í vanda og föngum.

Unnið hefur verið í nokkur ár að verkefninu Á sama báti; Fjölmenningarlegt samfélag og trúarbrögð þess. http://www.kirkjan.is/?trumal/menning/a_sama_bati.

Heimsóknarþjónusta

Í nokkrum söfnuðum hefur verið skipulögð heimsóknarþjónusta en unnið er að eflingu hennar. Fræðsluefni er að finna á www.kirkjan.is/kirkjustarf/?safnadarstarf/heimsoknarthjonusta.

Sálgæsla

Verkefni tengd sálgæslu eru unnin í samstarfi við sérþjónustupresta. Þau helstu hafa tengst starfi meðal syrgjenda. Námskeið í sálgæslu hafa verið haldin á vegum Guðfræðideildar og Endurmenntunar Hálskóla Íslands. Sjá www.hi.is og www.endurmenntun.is.

Kristniboð og hjálparstarf

Frjálsu félagasamtökin Samband íslenskra kristniboðsfélaga (SÍK) hafa rekið kristniboð í Eþíópíu frá 1953 og í Kenýju frá 1978. Starf SÍK er starf innan vébanda þjóðkirkjunnar. SÍK sinnir auk boðunarstarfs margs konar þróunarstarfi. Nú eru sjö kristniboðar að störfum í Afríku en um 30 Íslendingar hafa starfað þar um lengri eða skemmri tíma. Sjá www.sik.is.

Hjálparstaf kirkjunnar var stofnað 1970 og hefur starfað víða. Nú er starfað á tveim stöðum á Indlandi í samstarfi við Dalíta m.a.við að leysa börn úr þrældómiog að eflingu mennturnar. Þá hefur verið unnið að öflun vatns víða m.a. í Mosambík og að styðja börn í Úganda sem hafa misst foreldra sína . sjá www.help.is.

Stefnumótun kirkjunnar

Veturinn 2006-07 er kærleiksþjónusta og hjálparstarf verkefni stefnumótunar kirkjunnar 2004-2010 sem samþykkt var á Kirkjuþingi 2002. Kærleiksþjónustusvið mun vera í forystu um mótun og framkvæmd þessa verkefnis.

Tenglar

Hjálparstarf kirkjunnar
Samband íslenskra kristniboðsfélaga